2015-08-12 Kaffee in Maubisse 1

Tetun: MAP Lansa Programa Rehabilitasaun Planta Café Iha Maubessi (Maubisse)
Loron, Kuarta, 12 Jullu 2015, Ministru Estadu Koordenador ba Asuntu Ekonomiku (MECAE), no Ministru Agrikultura no Peska (MAP), Eng. Estanilau da Silva hamutuk ho Embaixador Nova Zelandia ba Timor-Leste, Sr. Jonathan Schwass no mos Programa Manajer NZAid, Sra. Alison lansa programa rehabilitasaun plantasaun café no Cacao iha Maubessi.

“Hau fo agradese ba iha Embaixador Nova Zelandia ba Timor Leste, Sr. Jonathan Schwass no mos Programa Manajer NZAid, Sra. Alison tanba sira apoiu ba iha Kompañia CCI no NCBA ne’ebé bo’ot tebes atu dezenvolve café iha Timor-Leste,” hatete S E. MECAE.

Eng. Estanislau da Silva informa tan katak, café Timor naran bo’ot tebes iha mundu, needuni governu buka atu fo apoiu ba iha rehabilitasaun ba platasaun café.
“Ami iha tinan ida nee programa preoridade maka atu halao programa rehabilitasaun café ba munisipiu Ainaro, Aileu, Ermera, Covalima, Liquica no Manufahi. Needuni ho programa ne’ebé CCT ho NCBA halao dadaun kona-ba rehabilitasaun kafe iha Maubessi nee diak tebes, ida nee maka halo hau konteti, memsu tinan nee ami nia orsamentu kiik maibe programa ida nee maka atu fo preoridade,” nia hatete.
General Manajer CCL, Sr. Sisto Monis Piedade liu husi ninian serominia lansamentu programa rehabilitasaun café iha Maubessi hatete katak sira hahu rehabilita ba café iha tinan 2008 to 2014. Agora ohin loron 12 Agustus 2015, Ministru Estadu Koordenador ba Asuntu Ekonomiku (MECAE), Eng. Estanilau da Silva, Embaixador Nova Zelandia ba Timor-Leste, Sr. Jonathan Schwass, no Manajer Programa NZAid, Sra. Alison halo lansamentu ba programa ida nee.

“Hau informa badak kona-ba atividade ne’ebé durante CCT-NCBA implementa iha teritoriu Timor Leste lilu kona-ba kona-ba programa rehabilitasaun plantasaun café nee CCT-NCBA hamutuk ho to’os nain sira konege rehabilita hamutuk 12.000 planta no fini café hamutuk 2.500.000 pes ba to’os nain sira hodi kuda ba sira nia to’os,” dehan Sr. Sisto.